O‘zbekiston Respublikasi Mustaqilligining 35 yilligi munosabati bilan Prezidentimizning tegishli Farmoniga muvofiq, mamlakatimiz taraqqiyotiga munosib hissa qo‘shib, xalq manfaati yo‘lida samarali mehnat qilayotgan bir guruh yurtdoshlarimiz “O‘zbekiston Respublikasi Mustaqilligining 35 yilligi”esdalik nishoni bilan taqdirlandilar.Quvonarlisi, ushbu yuksak e’tirofga sazovor bo‘lganlar orasida Xalq deputatlari Parkent tuman Kengashi deputatlari ham bor.Jumladan, Xalq deputatlari Parkent tuman Kengashiga 2-“Yoshlik” saylov okrugidan saylangan deputat, Savdo-sanoat palatasi Toshkent viloyati hududiy boshqarmasi Parkent tumani bo‘limi boshlig‘i Abduvoxidov Shuxrat Abduxamidovich hamda Xalq deputatlari Parkent tuman Kengashiga 4-“Bo‘ston” saylov okrugidan saylangan deputat, Parkent tumani “Bo‘ston” mahalla fuqarolar yig‘ini raisi Usipxodjayev Yerlan Ormanovich “O‘zbekiston Respublikasi Mustaqilligining 35 yilligi” esdalik nishoni bilan taqdirlandilar.Mazkur yuksak e’tirof deputatlarning asosiy mehnat faoliyatidagi samarali faoliyati bilan bir qatorda, jamoatchilik asosida amalga oshirib kelayotgan deputatlik faoliyatiga ham berilgan munosib bahodir.Deputatlar o‘z saylov okruglarida fuqarolar bilan muntazam muloqot qilib,aholi murojaatlarini o‘rganish, mavjud muammolarni tegishli tashkilotlar oldiga qo‘yish, jamoatchilik nazoratini amalga oshirish hamda hudud rivojiga daxldor masalalarni hal etishda faol ishtirok etib kelmoqdalar.Xalq deputatlari Parkent tuman Kengashi deputatlarini ushbu yuksak e’tirof bilan samimiy muborakbod etamiz!