Aholi bandligini ta’minlash, kambag‘allikni qisqartirish va ehtiyojmand oilalarga manzilli ko‘mak ko‘rsatish — deputatlik nazoratining muhim yo‘nalishlaridan biri.
Shu maqsadda Xalq deputatlari Shovot tumani Kengashi kotibiyati mudiri Masharipov Izzat Masharipovich, kotibiyat bosh mutaxassisi Ruzmetov Umrbek Shavkatovich hamda
15-Taraqqiyot saylov okrugi deputati Yakubov To‘lqin Sa’dullayevich tomonidan Xitoy mahallasida o‘rganish ishlari olib borilib, aholi bilan uchrashuv o‘tkazildi.
Muloqotlar davomida ishsiz fuqarolarni ish bilan ta’minlash, ehtiyojmand oilalarga ijtimoiy xizmatlar ko‘rsatish, aholi daromadlarini oshirish va mahalla infratuzilmasini yaxshilash masalalariga alohida e’tibor qaratildi.
📊 Xitoy mahallasida quyidagi aniq vazifalar belgilandi:
·         17 ta oilaga ijtimoiy xizmat ko‘rsatish;
·         57 nafar fuqaroni bandlik bilan ta’minlash;
·         5 nafar fuqaroning ta’lim bilan bog‘liq muammolarini hal etish;
·         56 nafar fuqaroning tibbiy xizmatlardan foydalanishini ta’minlash;
·         85 nafar ishsiz fuqaro bilan bandlik masalasida manzilli ishlash;
·         xorijda bo‘lib turgan 355 nafar fuqaro bilan bog‘liq masalalarni o‘rganish;
·         “Ochiq budjet”ning 1-mavsumi doirasida Istiqbol va Yoshlar ko‘chalarining 2,3 km qismida amalga oshirilgan asfaltlash ishlarini nazorat qilish.
🤝 Belgilangan vazifalar ijrosi deputat va “mahalla yettiligi” hamkorligida manzilli ravishda tashkil etilmoqda.
Maqsad aniq: har bir xonadonga kirib borish, muammoni aniqlash va uning yechimiga amaliy ko‘mak berish.
Aholi farovonligini oshirish, ishsizlik va kambag‘allikni qisqartirish borasidagi ishlar deputatlik nazorati ostida davom etadi.