GO‘SHT MAHSULOTLARI XAVFSIZLIGI BO‘YICHA MUHIM QAROR QABUL QILINDI
📌 Xalq deputatlari Pastdarg‘om tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi tomonidan 2026-yil 28-avgust kuni navbatdagi masala yuzasidan qaror qabul qilindi.
Yig‘ilishda O‘zbekiston Respublikasi Vazirlar Mahkamasining 2019-yil 8-maydagi 386-son qarori ijrosining Pastdarg‘om tumanidagi holatini o‘rganish masalasi muhokama qilindi.
🔎 Qaror asosida tumandagi chorva mollarini so‘yish va go‘sht mahsulotlarini realizatsiya qilish bilan shug‘ullanuvchi subyektlar faoliyatini kompleks o‘rganish belgilandi.
Xususan, ishchi guruh tomonidan:
🔹 tumanda mavjud ixtisoslashtirilgan va mini so‘yish korxonalari soni hamda ularning aniq manzillari;
🔹 korxonalarning faoliyat yuritayotgan yoki yuritmayotganligi;
🔹 yer uchastkasi va bino-inshootlardan maqsadli foydalanilishi;
🔹 so‘yish quvvati va amaldagi so‘yish hajmi;
🔹 korxonalar faoliyatining qonuniyligi;
🔹 veterinariya-sanitariya talablariga rioya etilishi;
🔹 go‘sht mahsulotlarini saqlash va tashishda belgilangan talablarning bajarilishi;
🔹 aniqlangan kamchiliklarning sabablari va ularni bartaraf etish choralari
o‘rganiladi.
📋 Shuningdek, tegishli tashkilotlardan so‘yish korxonalari faoliyatiga oid hujjatlar belgilangan tartibda so‘rab olinadi. O‘rganish ishlari tasdiqlangan savolnoma asosida amalga oshiriladi.
⚠️ Asosiy e’tibor — noqonuniy va nazoratsiz so‘yish holatlarining oldini olish, veterinariya-sanitariya nazoratini kuchaytirish hamda aholiga sifatli va xavfsiz go‘sht mahsulotlari yetkazib berilishini ta’minlashga qaratiladi.
📊 O‘rganish yakunlari bo‘yicha ishchi guruhning tahliliy ma’lumoti doimiy komissiya yig‘ilishida muhokama qilinib, aniqlangan muammolarni bartaraf etish yuzasidan tegishli taklif va tavsiyalar ishlab chiqiladi.
✅ Qaror doimiy komissiya a’zolari tomonidan 6 ta ovoz bilan yoqlab qabul qilindi.
📄 Qaror: DKQ 03-04/126-26
📅 2026-yil 28-avgust
Doimiy komissiya raisi — Turayev Feruz Erkinovich