Deputatlik nazorati: aholi bandligi — e’tiborda

Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi aholining, ayniqsa yoshlar va xotin-qizlarning bandligini ta’minlashga qaratilgan ishlar ustidan deputatlik nazorati kuchaytirilmoqda.

O‘rganishlar O‘zbekiston Respublikasi Vazirlar Mahkamasining 964-son qarori hamda unda belgilangan vazifalar asosida tashkil etilib, mahallalarda bandlik holatini amaliy jihatdan o‘rganishga qaratiladi. Qarorda mahalla, Yoshlar ishlari agentligi, Oila va xotin-qizlar tizimi hamda mehnat organlarining o‘zaro hamkorligini kuchaytirish vazifalari belgilangan.

🔎 Deputatlar o‘rganish davomida:
▫️ mahallalardagi ishsiz va band bo‘lmagan fuqarolar soni;
▫️ yoshlar va xotin-qizlarning bandlik holati;
▫️ mavjud bo‘sh ish o‘rinlari va ularning amaldagi holatga muvofiqligi;
▫️ fuqarolarni ishga joylashtirish bo‘yicha amalga oshirilgan ishlar;
▫️ kasb-hunarga o‘qitish va bandlikka yo‘naltirish jarayonlari;
▫️ tashkilotlararo hamkorlikning samaradorligi;
▫️ “Ishga joylashtirish” axborot tizimiga ma’lumotlarning kiritilishi;
▫️ hisobotlarda ko‘rsatilgan ishga joylashtirish natijalarining amaldagi holatga mosligi o‘rganiladi.

📊 Asosiy e’tibor — natijaga.
Deputatlar faqat statistik ma’lumotlarni o‘rganish bilan cheklanmay, ishga joylashtirilgan fuqarolarning haqiqatda ishlayotganligi, mehnat shartnomasi va ishga qabul qilish buyrug‘i mavjudligi, bo‘sh ish o‘rinlari haqidagi ma’lumotlarning haqqoniyligini ham joyiga chiqib tekshiradi.

🤝 Maqsad — raqamlar ortidagi real natijani aniqlash, mavjud muammolarni joyida ko‘rish va fuqarolarning munosib mehnat bilan ta’minlanishiga ko‘maklashish.