Xalq deputatlari Qo‘qon shahar Kengashining “Korrupsiyaga qarshi kurashish va xavfsizlik masalalari” doimiy komissiyasi a’zosi, deputat Sh.Nazarova tomonidan Oʻzbekiston Respublikasi prezidentining Xalq Qabulxonasi Qo‘qon shahar bo‘limida jismoniy va yuridik shaxslarning murojaatlari bilan ishlash, ularni ko‘rib chiqish hamda qonun talablarining ijrosini ta’minlash borasida amalga oshirilayotgan ishlar o‘rganildi.

O‘rganish davomida O‘zbekiston Respublikasining 2002-yil 11-sentyabrdagi O‘RQ–445-sonli “Jismoniy va yuridik shaxslarning murojaatlari to‘g‘risida”gi Qonuni talablari asosida fuqarolar murojaatlarini qabul qilish, ro‘yxatga olish, ko‘rib chiqish va natijalarini nazorat qilish bo‘yicha tashkil etilgan ishlar holatiga e’tibor qaratildi.

O‘zbekiston Respublikasi Prezidentining Qo‘qon shahridagi Xalq qabulxonasi mas’uli M.Abdurahmonov tomonidan qonun talablarining amaliy ijrosi, fuqarolar murojaatlari bilan ishlashning samarali mexanizmlari hamda murojaatlarni ko‘rib chiqishda zamonaviy axborot texnologiyalaridan foydalanish borasida amalga oshirilayotgan ishlar yuzasidan batafsil ma’lumot berildi.

Jumladan, murojaatlarni elektron shaklda qabul qilish va qayta ishlash, ularni tegishli yo‘nalishlar bo‘yicha tahlil qilish, murojaatlarning ijrosini nazoratga olish hamda fuqarolarga o‘z vaqtida va asoslantirilgan javoblar taqdim etish masalalari muhokama qilindi.

Shuningdek, jismoniy va yuridik shaxslarning murojaatlarini qabul qilish va tahlil qilish jarayonlari, murojaatlar bo‘yicha shakllantirilayotgan ma’lumotlar bazasining aniqligi, to‘liqligi va shaffofligini ta’minlash masalalariga alohida e’tibor qaratildi.

O‘rganish jarayonida murojaatlar bilan ishlashda ochiqlik va shaffoflikni ta’minlash, fuqarolarning murojaatlarini belgilangan muddatlarda ko‘rib chiqish hamda ularning qonuniy huquq va manfaatlarini himoya qilish muhimligi ta’kidlandi.

Xalq deputatlari Qo‘qon shahar Kengashi