Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq Kengash raisi O.Babayev, kotibiyat mudiri J.Sadirov, Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya raisi o‘rinbosari M.Ashurov tomonlaridan tumanning “Do‘stlik” mahallasida sanitariya-tozalik holatini yaxshilash, chiqindi yig‘ish punktining holati hamda qattiq maishiy chiqindilarni aholidan qabul qilish va belgilangan tartibda olib chiqib ketish xizmati yuzasidan o‘rganish o‘tkazildi.

🟢O‘rganish natijasida ko‘p qavatli uylarga xizmat ko‘rsatuvchi chiqindi yig‘ish shoхobchasidan chiqindilar har kuni belgilangan tartibda olib chiqib ketilayotgani aniqlandi. Bu esa mazkur hududda chiqindi olib chiqish xizmati muntazam yo‘lga qo‘yilganini ko‘rsatadi. Shu bilan birga, dala hovlilardan chiqindilarni mazkur shoхobchaga olib kelib tashlash holatlari ko‘pligi sababli konteynerlar tez to‘lib, chiqindilarning to‘planib qolishi kuzatilmoqda. Natijada shoxobcha atrofida sanitariya holatini saqlash, chiqindilarni o‘z vaqtida yig‘ish va hududning obodonligini ta’minlash bilan bog‘liq qo‘shimcha qiyinchiliklar yuzaga kelmoqda.

🟢Deputatlar chiqindi yig‘ish shoxobchasida tozalikni muntazam ta’minlash, konteynerlarning o‘z vaqtida bo‘shatilishi va shoxobcha atrofida chiqindilar to‘planib qolishining oldini olish yuzasidan tegishli tavsiyalar berdilar. Shuningdek, dala hovlilardan chiqindilarni belgilanmagan joylarga yoki boshqa hududlarga olib kelib tashlash holatlariga yo‘l qo‘ymaslik bo‘yicha aholi bilan profilaktik-tushuntirish ishlarini kuchaytirish zarurligi qayd etildi.