Xalq deputatlari Termiz shahar Kengashi kotibiyati mudiri, deputat A.Ashurov hamda kotibiyat bosh mutaxassisi A.Temirovlar Kengashning 25-“Kokildorota” saylov okrugi deputati M.Sidiqova okrugiga qarashli "Alisher Navoiy" mahallasida bo‘ldilar.

Uchrashuv davomida mahalla raisi bilan birgalikda hududda olib borilayotgan ishlar, mavjud muammolar hamda ularni bartaraf etish choralari muhokama qilindi.

Shuningdek, “24 ta muhim yo‘nalish” mezonlari asosida mahalla boshqaruvini samarali tashkil etish, aholi bilan ishlash va hududdagi masalalarni tizimli hal etish borasida amalga oshirilayotgan ishlar yuzasidan fikr almashildi.

Suhbat davomida deputat M.Sidiqovaning faoliyati ham tahlil qilinib, saylovchilar bilan ishlash, murojaatlarni o‘rganish hamda hududdagi dolzarb masalalarni Kengash darajasida ko‘tarib chiqish borasidagi faoliyatiga e’tibor qaratildi.

Bunday uchrashuvlar deputat va mahalla hamkorligini yanada mustahkamlash, hududdagi muammolarni aniqlash hamda ularning amaliy yechimini ta’minlashga xizmat qiladi.