🏘 HUDUD OBODONCHILIGI VA AHOLI UCHUN QULAY SHAROITLAR E’TIBORDA

Xalq deputatlari Navoiy shahar Kengashi deputati Irgasheva Nilufar Uralovna hamda Xalq deputatlari Navoiy shahar Kengashi kotibiyati bosh mutaxassisi Muborak Astanova 20-Gulzor saylov okrugi hududidagi Kimyogar mahallasida o‘rganish ishlarini olib bordi.

🔎 O‘rganish davomida mahalladagi ko‘p qavatli uylarning umumiy holati, ichki yo‘laklar, yerto‘lalar, uylar atrofidagi maydonlarning tozaligi va obodonlashtirilganlik darajasi, shuningdek, hududning yoritilish holati ko‘zdan kechirildi.

⚖️ Mazkur ishlar O‘zbekiston Respublikasining 1998-yil 24-dekabrdagi 713-I-son “Uy-joy kodeksini tasdiqlash to‘g‘risida”gi Qonuni hamda uy-joy fondidan foydalanish va uni saqlashga oid qonunchilik talablari asosida aholiga munosib yashash sharoitlarini yaratish nuqtayi nazaridan o‘rganildi.

🏢 Ko‘p qavatli uylarda umumiy foydalanish joylarining tozaligi va sanitariya holatini saqlash, ichki yo‘laklar hamda yerto‘lalarni tegishli holatda saqlash, uylar atrofini obodonlashtirish va hududlarni yetarli darajada yoritish aholining xavfsiz va qulay yashashi uchun muhim omillardan biridir.

💡 O‘rganish jarayonida aniqlangan masalalarni tegishli mas’ul tashkilotlar bilan hamkorlikda bartaraf etish, mavjud muammolarni joyida hal qilish hamda hududning obodonchiligi va sanitariya holatini yaxshilash yuzasidan zarur choralarni belgilashga e’tibor qaratildi.

🌿 Bunday o‘rganishlar aholiga qulay sharoit yaratish, ko‘p qavatli uylar va ularga tutash hududlarning saqlanish holatini yaxshilash hamda fuqarolar manfaatlarini ta’minlashga xizmat qiladi.

✨ Obod, toza va yorug‘ mahalla — aholi farovonligining muhim omilidir!

🏛 Xalq deputatlari Navoiy shahar Kengashi kotibiyati