Xalq deputatlari G‘ozg‘on shahar Kengashi deputati A.Aminov shahardagi marmar va granit mahsulotlari ishlab chiqarishga ixtisoslashgan korxonalarda bo‘lib, ishlab chiqarish jarayonlari hamda korxonalar faoliyati bilan yaqindan tanishdi.

O‘rganish ishlari Milliy bank ATB rahbari Adizov Ziyodillo, Milliy bank ATB rahbari o‘rinbosari Shadiyev Navro'z hamda Tumar MFYga biriktirilgan Mahalla bankiri hamkorligida amalga oshirildi.

Tashrif davomida korxonalarning ishlab chiqarish quvvatlari, mavjud imkoniyatlari, tadbirkorlarning muammolari va faoliyatni yanada kengaytirish masalalari muhokama qilindi.

Shuningdek, ishlab chiqarishni rivojlantirish, yangi loyihalarni yo‘lga qo‘yish, qo‘shimcha ish o‘rinlari yaratish hamda tadbirkorlik subyektlarini moliyaviy qo‘llab-quvvatlash imkoniyatlari yuzasidan fikr almashildi.

Joyiga chiqib o‘rganish va tadbirkorlar bilan bevosita muloqot qilish — mavjud muammolarni aniqlash, ularning amaliy yechimini topish va ishlab chiqarishni rivojlantirishning muhim omilidir.