Termiz tuman hokimi, Xalq deputatlari Termiz tuman Kengashi 9-Namuna saylov okrugi deputati Sh. Kalandarov aholi bilan uyma-uy muloqot o'tkazdi

Termiz tuman hokimi, Xalq deputatlari Termiz tuman Kengashi 9-Namuna saylov okrugi deputati Sh. Kalandarov o‘zi saylangan hududda istiqomat qiluvchi fuqarolar holidan xabar olib, uyma-uy yurish orqali aholi bilan uchrashdi.

Mazkur o‘rganishlarda Xalq deputatlari Termiz tuman Kengashi raisi S. Nazarov hamda tuman Kengashi kotibiyati mutaxassisi K. Abdullayeva ham ishtirok etdi.

Muloqot davomida fuqarolarning murojaat va takliflari tinglanib, ularni qiynayotgan masalalar o‘rganildi. Shuningdek, xonadonlarda tomorqadan samarali foydalanish holati ham ko‘zdan kechirildi.

O‘rganish jarayonida mazkur xonadon tomorqa yeridan unumli foydalanayotgani, yil davomida uch marotaba hosil olinayotgani alohida e'tirof etildi. Bundan tashqari, xonadon egasi motokultivator yordamida xizmatlar ko‘rsatib, qo‘shimcha daromad topayotgani ma'lum qilindi.

Shuningdek, tomorqada turli xil mevali daraxtlar parvarish qilinayotgani, ular mavsum davomida mo‘l hosil berib, oila ehtiyojini qoplayotgani hamda ortiqcha mahsulotni realizatsiya qilish orqali qo‘shimcha daromad olinayotgani ta'kidlandi.

Fuqaro tomonidan tomorqadan unumli foydalanish va oilaviy tadbirkorlikni rivojlantirish uchun yaratilayotgan imkoniyatlardan mamnun ekanligi bildirildi.

Uchrashuv yakunida fuqarolar tomonidan bildirilgan murojaatlar nazoratga olinib, ularni hal etish yuzasidan tegishli mutasaddilarga topshiriqlar berildi.