Mahalla institutining jamiyatdagi rolini kuchaytirish va “mahalla yettiligi” faoliyatini tashkil etishning muhim huquqiy asoslaridan biri — O‘zbekiston Respublikasi Prezidentining 2023-yil 21-dekabrdagi PQ-402-son qarori, shuningdek O‘zbekiston Respublikasi Prezidentining 2021-yil 3-dekabrdagi “Mahallada tadbirkorlikni rivojlantirish, aholi bandligini ta’minlash va kambag‘allikni qisqartirish bo‘yicha davlat siyosatining ustuvor yo‘nalishlari to‘g‘risida”gi PF-29-son Farmoni hamda O‘zbekiston Respublikasi Prezidentining 2025-yil 14-fevraldagi PQ-62-son qarori — yoshlar tadbirkorligini rivojlantirish va bandligini ta’minlashga doir qo‘shimcha chora-tadbirlar ijrolari ko‘rib chiqildi. 

O‘rganish davomida mahalladagi mas’ul xodimlar — hokim yordamchisi, ijtimoiy xodim hamda yoshlar yetakchisining o‘ziga biriktirilgan yo‘nalishlar bo‘yicha amalga oshirayotgan ishlari tahlil qilindi. Jumladan, aholining ijtimoiy holatini yaxshilash, ehtiyojmand oilalarni qo‘llab-quvvatlash, bandlikni ta’minlash, tadbirkorlikka jalb etish, yoshlar bilan ishlash hamda ularning muammolarini hal etish borasida olib borilayotgan ishlar yuzasidan ma’lumotlar o‘rganildi. Shuningdek, mas’ul xodimlarga tegishli
qaror va topshiriqlarning ijrosi, belgilangan vazifalarning amalda bajarilishi hamda aniqlangan muammolarni bartaraf etish bo‘yicha ko‘rilayotgan choralar tahlil qilindi. 

O‘rganish yakunida mas’ul xodimlarga aholining murojaatlari bilan ishlashda e’tiborli bo‘lish va tegishli qarorlar ijrosini ta’minlash yuzasidan tavsiyalar berildi. Deputat tomonidan ushbu yo‘nalishdagi ishlarni doimiy nazorat qilib borilishi ta’kidlandi. 

  👇Bizni kuzatishda davom eting👇 

🇺🇿 Xalq deputatlari Uchko‘prik tumani Kengashi