Deputatlarning fuqarolar murojaatlari bilan ishlashi aholi muammolarini hal etish, qonun ustuvorligini ta’minlash va jamoatchilik nazoratini o‘rnatishning muhim mexanizmidir.

Xalq deputatlari Mirzo Ulug‘bek tumani Kengashi 25-“Chimyon” okrugi deputati, O‘zbekiston XDP a’zosi Shaxnoza Umarova fuqarolar uchun navbatdagi qabulni o‘tkazdi. Qabulda aholi murojaatlarini joyida ko‘rib chiqish va tegishli choralar belgilashga alohida e’tibor qaratildi.


Uchrashuv davomida deputat tomonidan fuqarolarning turli sohalarga oid murojaatlari tinglandi. Xususan, ijtimoiy himoya, tibbiy ko‘mak, moddiy yordam, mahalla infratuzilmasini yaxshilash, ichki yo‘llarni ta’mirlash hamda elektr ta’minotidagi muammolarni bartaraf etish masalalari muhokama markazida bo‘ldi.

O‘tkazilgan suhbatlar jarayonida aniqlangan kamchiliklarni bartaraf etish, mavjud muammolarni mahalliy ijro hokimiyati organlari bilan hamkorlikda joyida hal etish yuzasidan tegishli chora-tadbirlar belgilandi.

Bo‘lib o‘tgan tadbirda Kengash kotibiyati bosh mutaxassisi Gulchexra Azizova ham ishtirok etdi.