O‘rganishlar davomida mahalla aholisi tomonidan ichimlik suvi ta’minoti bilan bog‘liq ikki dolzarb muammo yuzasidan jamoaviy murojaatlar kelib tushdi.

🔹 Birinchi murojaatda A.Navoiy ko‘chasi 15-sonli ko‘p qavatli uy ro‘parasida qurilgan hovuzdan doimiy ravishda toza ichimlik suvi sizib chiqayotgani, buning oqibatida qimmatli ichimlik suvi behuda isrof bo‘layotgani ma’lum qilindi.

🔹 Ikkinchi murojaatda esa A.Navoiy ko‘chasi 15-sonli ko‘p qavatli uy yaqinidagi lotok (ariq) yonidan o‘tgan ichimlik suvi quvurida avariya holati yuzaga kelib, quvur yorilgani sababli suv sizib chiqayotgani qayd etildi. Mazkur nosozlik yo‘l va piyodalar harakatiga noqulaylik tug‘dirishi, sanitariya holatiga salbiy ta’sir ko‘rsatishi hamda ichimlik suvi ta’minotida uzilishlar yuzaga kelishiga sabab bo‘lishi mumkin.

Mazkur murojaatlar yuzasidan muammolarni tezkor bartaraf etish, ichimlik suvi isrofining oldini olish hamda suv ta’minoti tarmoqlarining texnik holatini o‘rganish bo‘yicha Termiz shahar "Suv ta’minoti" AJ rahbari B.Qosimov nomiga deputatlik so‘rovlari yuborildi.