Mahalladagi mavjud holat va tibbiy xizmatlar sifati o‘rganildi

Xalq deputatlari Qiziriq tumani Kengashi kotibiyati bosh mutaxassisi A.Mamarajabov o‘ziga biriktirilgan deputat I.Qurbonov bilan birgalikda deputatning saylangan saylov okrugi hududida fuqarolar bilan uchrashuv va qabullar o‘tkazish, joylarda o‘rganishlar olib borish hamda bu boradagi faoliyatni ommaviy axborot vositalari va ijtimoiy tarmoqlarda yoritish bo‘yicha tasdiqlangan reja-jadvalga muvofiq "Yakkaterak" mahallasiga tashrif buyurdi.

Tashrif davomida mahalla yettiligi tomonidan hududni ijtimoiy-iqtisodiy rivojlantirish, aholi murojaatlari bilan ishlash, kambag‘allikni qisqartirish, bandlikni ta’minlash va mavjud muammolarni bartaraf etish borasida amalga oshirilayotgan ishlar o‘rganildi. Shuningdek, mahallada mavjud muammolar yuzasidan mahalla faollari va mas'ullar bilan fikr almashilib, ularni hal etish bo‘yicha tegishli taklif va tavsiyalar bildirildi.

Shuningdek, "Bog‘iston" oilaviy shifokorlik punkti "Yakkaterak" filiali faoliyati bilan tanishilib, aholiga ko‘rsatilayotgan birlamchi tibbiy xizmatlar sifati, bepul beriladigan dori-darmonlar ta’minoti, tibbiyot muassasasida yaratilgan sharoitlar hamda fuqarolarga tibbiy xizmat ko‘rsatish jarayonlari joyida o‘rganildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram