Xalq deputatlari Qo‘qon shahar Kengashining navbatdagi sessiyasi kun tartibiga shahar ijtimoiy-iqtisodiy rivojlanishi, huquqbuzarliklar profilaktikasi, mahallalarni obodonlashtirish, kommunal sohani rivojlantirish hamda boshqa dolzarb yo‘nalishlarga oid bir qator masalalarni kiritish taklif etilmoqda.

Sessiya davomida muhokama etilishi rejalashtirilgan masalalar shaharimizni har tomonlama rivojlantirish, aholi farovonligini oshirish va hududlarda amalga oshirilayotgan islohotlar samaradorligini yanada yuksaltirishga qaratilgan.

Shu munosabat bilan Qo‘qon shahri fuqarolaridan mazkur masalalar yuzasidan o‘zlarining takliflari, murojaatlari, fikr va mulohazalarini saylov okrugidan saylangan deputatlar yoki Xalq deputatlari Qo‘qon shahar Kengashi kotibiyatiga taqdim etishlarini so‘raymiz.

Sizning har bir taklifingiz va tashabbusingiz sessiya muhokamalarini yanada mazmunli tashkil etish hamda xalq manfaatlariga xizmat qiladigan qarorlar qabul qilinishida muhim ahamiyat kasb etadi.

Murojaatlar uchun telefon: +998 73 542 34 66
Manzil: Qo'qon shahar, Turon ko'chasi 2-uy

Saylovchilar va deputatlar o‘rtasidagi ochiq muloqot hamda samarali hamkorlik – Qo‘qon shahrining barqaror taraqqiyoti va farovon kelajagining muhim omilidir.

Xalq deputatlari Qo‘qon shahar Kengashi