"Xalıq deputatları jergilikli Keńesleri tárepinen xalıqtıń múrájatların kórip shıǵıw hám olardıń sessiyalarında mámleketlik uyımlar hám shólkemler basshılarınıń múrájatlar menen islesiw boyınsha esabat (málimleme) tıńlawdı nátiyjeli shólkemlestiriw" temasındaǵı seminar

Seminarǵa Xalıq deputatları Shımbay rayonlıq Keńesi baslıǵı O.Tolıbekov, rayonlıq Keńes deputatlar hám de tiyisli mákeme, kárxana hám shólkem wákilleri qatınastı.  Xalıq múrájatları menen islesiw baǵdarındaǵı jumısın bunnan bılay da jetilistiriw, múrájatlardı óz waqtında hám sapalı kórip shıǵıw jáne sessiyalarda mámleketlik uyımlar hám shólkemler basshılarınıń esapların nátiyjeli shólkemlestiriw máselelerine baǵıshlandı.
Seminarda xalıqtıń múrájatların qabıl etiw, olardı nızamshılıq talapları tiykarında kórip shıǵıw, múrájatlarda kóterilgen mashqalalardı sistemalı tallaw hám olardıń sheshimin támiyinlew mexanizmleri boyınsha tolıq maǵlıwmatlar berildi.

Sonday-aq, jergilikli Keńes sessiyalarında mámleketlik uyımlar hám shólkemler basshılarınıń múrájatlar menen islesiw boyınsha esabatların (málimlemelerin) tıńlaw tártibi, deputatlar tárepinen esabatlardı tallaw, anıqlanǵan kemshiliklerdi saplastırıw boyınsha tiyisli usınıslar hám qararlar qabıl etiw máseleleri dodalandı.
Seminar dawamında múrájatlar menen islesiwde ashıq-aydınlıq hám esap beriw principlerin támiyinlew, puqaralar menen nátiyjeli qarım-qatnastı jolǵa qoyıw hám múrájatlardıń orınlanıwı ústinen deputatlıq qadaǵalawdı kúsheytiw boyınsha ámeliy usınıslar berildi.
Ilaj juwmaǵında qatnasıwshılar tárepinen bildirilgen pikir-usınıslar tiykarında xalıqtıń múrájatları menen islesiw nátiyjeliligin arttırıw, olardıń óz waqtında hám sapalı sheshiliwin támiyinlew jáne jergilikli Keńeslerdiń qadaǵalaw funkciyaların bunnan bılay da kúsheytiw boyınsha aldaǵı áhmiyetli wazıypalar belgilep alındı.