Xalq deputatlari Ulug‘nor tumani Kengashi deputati O‘.Axmedov Fayziobod mahallasi fuqarolar yig‘ini binosida amalga oshirilayotgan joriy ta’mirlash ishlarining borishi bilan yaqindan tanishdi. Tashrif davomida deputat mahalla binosida olib borilayotgan ta’mirlash ishlarining sifati, qurilish me’yorlariga muvofiqligi hamda ishlarning belgilangan muddatlarda yakunlanishi yuzasidan mas’ullar bilan muloqot qildi. Shuningdek, binoda fuqarolar uchun yanada qulay shart-sharoitlar
yaratish, xizmat ko‘rsatish sifatini oshirish va mahalla faoliyati samaradorligini yuksaltirishga qaratilgan ishlar muhokama qilindi. O‘rganish jarayonida devor va shiftlarni ta’mirlash, ichki xonalarni obodonlashtirish, muhandislik-kommunikatsiya tarmoqlarini yangilash hamda binodan foydalanish uchun zamonaviy va qulay muhit yaratish ishlari bosqichma-bosqich amalga оshirilayotgani qayd etildi. Mas’ullar tomonidan qurilish-ta’mirlash ishlarini belgilangan muddatlarda sifatli yakunlash bo‘yicha amaliy choralar ko‘rilayotgani ma’lum qilindi. Deputat O‘.Axmedov mahalla faollari bilan ham suhbatlashib, amalga oshirilayotgan ishlar yuzasidan ularning fikr va takliflarini tingladi. Ta’kidlanganidek, mahalla binosining zamonaviy ko‘rinishga keltirilishi fuqarolarga ko‘rsatiladigan davlat va jamoat xizmatlari sifatini yanada oshirishga, aholi uchun qulay sharoitlarni yaratishga xizmat qiladi. Tashrif yakunida deputat joriy ta’mirlash ishlarining sifatli va belgilangan muddatlarda yakunlanishi ustidan deputatlik
nazorati davom ettirilishini bildirib, mas’ullarga ishlarni yuqori sifat darajasida tashkil etish hamda qurilish me’yorlariga qat’iy rioya qilish yuzasidan tegishli tavsiyalar berdi. Mahallalar infratuzilmasini yaxshilash va aholiga qulay xizmat ko‘rsatish muhitini yaratishga qaratilgan bunday ishlar hududlarni kompleks rivojlantirish hamda fuqarolarning turmush sifati va farovonligini oshirishda muhim ahamiyat kasb etadi.