Xalq deputatlari Uchquduq tuman Kengashining 16-«Paxtakor» saylov okrugidan saylangan deputati A.Xayrullayev tomonidan Navoiy mahalla fuqarolar yig‘ini hududida joylashgan ichki ko‘cha yo‘llari hamda ko‘p qavatli uylarning podyezdlari holatini o‘rganish maqsadida joyiga chiqib monitoring ishlari olib borildi.

O‘rganish jarayonida hududdagi ichki yo‘llarning bugungi holati, ularning ta’mirtalab qismlari, piyodalar harakati uchun yaratilgan sharoitlar, shuningdek, ko‘p qavatli uylar podyezdlarining sanitariya-gigiyena holati, ta’mirtalab joylari va obodonlashtirish ishlari atroflicha ko‘zdan kechirildi.

Shuningdek, hudud aholisi bilan muloqot qilinib, ularni qiynab kelayotgan masalalar, mavjud muammolar hamda taklif va mulohazalar tinglandi. Fuqarolar tomonidan bildirilgan murojaatlar tegishli tartibda qayd etilib, ularni bartaraf etish yuzasidan mas’ul tashkilotlar bilan hamkorlikda amaliy choralar ko‘rish belgilandi.
O‘rganish yakunlari bo‘yicha aniqlangan kamchiliklarni bartaraf etish, ichki yo‘llarni bosqichma-bosqich ta’mirlash, podyezdlarni tartibga keltirish hamda hudud infratuzilmasini yanada yaxshilash yuzasidan tegishli mas’ullarga tavsiyalar va topshiriqlar berildi.

✅Aholining turmush sharoitini yaxshilash, mahallalarda qulay va xavfsiz infratuzilmani yaratish hamda fuqarolar murojaatlarida ko‘tarilgan masalalarni ijobiy hal etish borasidagi ishlar izchil davom ettiriladi.