Xalıq deputatları Bozaraw rayonlıq Keńesi sekretariat baslıǵı 1-sanlı “Palwash ataw” saylaw okruginen (ÓzMTDP) deputat A.Ibragimov tárepinen aymaqtaǵı puqaralardıń jeńiletilgen
kreditlerden maqsetli paydalanıp óz iskerligin baslap atırǵan puqara Q.Sarsenbaev penen ushırasıp sáwbet ótkerdi. 

Ózbekstan Respublikası Prezidentiniń 2026-jıl 5-fevral kúngi “2026-jılı aymaqlardı jańasha qatnasıqlar tiykarında rawajlandırıw arqalı xalıqtıń dáramatın arttırıw, turaqlı jumıs orınların jaratıw hám kámbaǵallıqtı qısqartıw ilajları haqqında”ǵı PQ-49-sanlı qararı menen tiykarǵı sociallıq-ekonomikalıq kórsetkishler boyınsha tańlap alınǵan awır kategoriyadaǵı rayonlar dizimi tastıyıqlanǵan edi. 

Usı qararǵa Bozataw rayonıda kiritilip 1-marttan baslap awır kategoriyadaǵı rayonlarda shańaraqlıq isbilermenlikti rawajlandırıw baǵdarlamaları sheńberinde jeńilletilgen kreditler jıllıq 12 payızlı stavkada ajıratılıw belgilengen.  

Qarar tiykarında Bozatawlı isbilermen Sarsenbaev Quwatbay jeńiletilgen 12 payızlı stavkada 50 mln kredit alıp óz isbilermenligi baslap atır. Jeke isbilermen temir ustaxana ashıw maqsetinde jeńiletilgen kredit alıp temirmishilik penen shuǵıllanıw ushın kerekli dolǵan uskeneler alıp óz jumısın baslap xalıqqa sapalı xızmet islep atır.