Paxtakor tumani Kengashining navbatdagi sessiyasi oldidan kun tartibiga kiritilgan masalalar yuzasidan joylarda o‘rganish ishlari tashkil etildi. Unda Kengashning doimiy komissiya a’zolari ishtirok etib, tegishli sohalardagi holat bilan yaqindan tanishdi.

Xususan, Paxtakor tumani Sanitariya-epidemiologik osoyishtalik va jamoat salomatligi bo‘limi faoliyati o‘rganilib, hududda sanitariya holatini ta’minlash, kasalliklarning oldini olish, profilaktik tadbirlarni tashkil etish darajasi hamda aholiga ko‘rsatilayotgan xizmatlar sifati tahlil qilindi.

O‘rganish davomida aniqlangan muammolar va kamchiliklar yuzasidan tegishli tavsiyalar berilib, ularni bartaraf etish choralarini kuchaytirish lozimligi ta’kidlandi. Ushbu ishlar sessiyada ko‘rib chiqiladigan masalalarni har tomonlama puxta tayyorlashga xizmat qiladi.