Mahalladagi soliq ma’murchiligi holati deputat nazoratida

 🇺🇿 Xalq deputatlari Uchtepa tumani Kengashiga O'zbekiston Liberal demokratik partiyasidan saylangan “3-Istirohat” okrugi deputati Xalmatov Bobur Baxodirovich tashabbusi bilan mahalliy Kengash deputati faoliyatining eng muhim 24 ta yo‘nalishidan biri — mahalladagi soliq inspektori tomonidan yuklatilgan vazifalarning bajarilish holatini o‘rganish maqsadida “Shirin” mahallasi hududida o‘rganish ishlari olib borildi.

 📊 O‘rganish jarayonida mahalladagi ijtimoiy-iqtisodiy ko‘rsatkichlar tahlil qilindi. Jumladan, mahallada jami 8 303 nafar aholi istiqomat qiladi. Shundan 4 218 nafari ayollar, 1 004 nafari yoshlar hisoblanadi.

 ↗️ Mazkur hududga biriktirilgan soliq inspektori — Narziyev Ilhom Xudoyshukurovich tomonidan olib borilayotgan ishlar ham o‘rganildi. Hozirgi kunda mahallada 2 822 nafar soliq to‘lovchi mavjud bo‘lib, shundan 1 400 nafarida soliq qarzdorligi aniqlangan. Umumiy qarzdorlik miqdori 600 mln. so‘mni tashkil etgan bo‘lsa, joriy yil 1-may holatiga ushbu qarzdorlik 217 mln. so‘mga qisqartirilgan.

 📈 Shuningdek, mahallada 210 ta tadbirkorlik subyekti ro‘yxatdan o‘tgan bo‘lib, amalda faoliyat yuritayotganlari 60 tani tashkil etadi. Bu esa mavjud salohiyatdan to‘liq foydalanilmayotganini ko‘rsatadi.

 🔵 Yashirin iqtisodiyotga qarshi kurashish, soliq tushumlarini oshirish hamda qarzdorlikni kamaytirish borasida soliq inspektori tomonidan hududiy profilaktika inspektori va Majburiy ijro byurosi xodimlari bilan hamkorlikda tizimli ishlar yo‘lga qo‘yilgan.

 🔼 O‘rganish yakunida mas’ullarga soliq ma’murchiligini yanada kuchaytirish, qarzdorlikni qisqartirish, faoliyat yuritmayotgan tadbirkorlarni faollashtirish hamda yashirin iqtisodiyotga qarshi kurashish bo‘yicha aniq vazifalar belgilab berildi.

 📁 Mazkur masala deputat nazoratiga olinib, amalga oshirilayotgan ishlar yuzasidan monitoring olib borilishi ta’kidlandi.