Xalq deputatlari Qo‘qon shahar Kengashi deputati J.Xusanov saylangan “G‘ishtko‘prik” mahallasida Kengash kotibiyati mudiri A.Nosirov hamda bosh mutaxassis X.Abdullayevlar tomonidan mahalladagi hokim yordamchisi faoliyati o‘rganish ishlari olib borildi.

 O‘rganish jarayonida mahalladagi hokim yordamchisi T.Maxmudov faoliyati atroflicha tahlil qilindi. Xususan, aholi bandligini ta’minlash, tadbirkorlikni rivojlantirish, fuqarolar murojaatlari bilan ishlash hamda ijtimoiy-iqtisodiy masalalarni hal etish borasidagi faoliyatiga alohida e’tibor qaratildi.

Xususan, Orasta ko‘chasi 6-uyda yashovchi Sodiqova Ziyodani bandligini ta’minlash uchun tikuv mashinasi, Namangan ko‘chasi 31-uyda yashovchi Xushnazarova Dilnozaxonni kasanachilikka asosida ish o‘rni bilan ta’minlash uchun tikuv mashinasi subsidiya asosida ajratib berilgan bo‘lib, fuqarolarning xonadonlariga kirib o‘rganish o‘tkazildi.

Shuningdek, Gʻalaba ko‘chasi 12-uyda yashovchi Boymirzayeva Muxayyoxonni ishlab chiqarish faoliyatini rivojlantirish uchun 10 mln.so‘m imtiyozli kredit ajratilgan bo‘lib, xozirda ushbu fuqaro tomonidan faoliyatini kengaytirib ishlarni tashkil etib borayotganligi aniqlandi.

Bundan tashqari, Guzar ko‘chasi 40-uyda yashovchi Kamolov Ilxomjonga temirchilik ishlari uchun svkarka apparati subsidiya asosida berilgan bo‘lib, bugungi kunda samarali faoliyat olib borayotganligi, xokim yordamchisi doimiy ravishda aloqada bo‘lib, barch zaruriy yordamlarni ko‘rsatib kelayotganligini bildirdi.

Xalq deputatlari Qo‘qon shahar Kengashi