Xalq vakillari bo‘lgan deputatlar joylarda o‘zlari saylangan hudud saylovchilari bilan muntazam ravishda yuzma-yuz muloqotlar olib borib, fuqarolar tomonidan ko‘tarilayotgan dolzarb masalalarni o‘rganish hamda
ularni hal etishda faol tashabbus ko‘rsatib kelmoqda. Jumladan, Xalq deputatlari Parkent tuman Kengashiga 13-“Istiqbol” saylov okrugidan saylangan deputat Maxmudova Baxtinisa Zuxriddinovna o‘zi saylangan hududdagi “Istiqbol” mahallasidagi ko‘p qavatli uy-joylarda istiqomat qiluvchi fuqarolarning muammolari joyiga chiqqan holda o‘rganildi. O‘rganish jarayonida, ayniqsa, ko‘p qavatli uylarning texnik holati, ularni boshqarish bilan bog‘liq masalalar, kommunal xizmatlar sifati, tozalik va obodonlashtirish ishlari, shuningdek, boshqaruv kompaniyalari faoliyati samaradorligi yuzasidan aholining fikr va takliflari tinglandi. Shuningdek, mavjud muammolarni bartaraf etishda boshqaruv kompaniyalari, “mahalla yettiligi” a’zolari hamda tegishli mutasaddi tashkilotlar o‘rtasidagi hamkorlikni yanada kuchaytirish zarurligi ta’kidlandi. Uchrashuv davomida aniqlangan muammolar yuzasidan tegishli tashkilotlarga so‘rovlar kiritish hamda ularning ijobiy yechimini ta’minlash bo‘yicha aniq chora-tadbirlar belgilab olindi. Mazkur hamkorlik fuqarolarning turmush sharoitlarini yaxshilash, mavjud muammolarni o‘z vaqtida hal etish hamda hududlarda ijtimoiy barqarorlikni ta’minlashda muhim ahamiyat kasb etadi.