Xalq deputatlari Toshkent shahar Kengashi deputati Sanakulov Umid Quvondiqovich 2026-yilning birinchi choragi bo‘yicha axborot berdi. Uchrashuv Shayxontohur tumanidagi “Ibn-Sino” mahalla fuqarolar yig‘ini binosida bo‘lib o‘tdi. Unda Xalq deputatlari Toshkent shahar Kengashiga deputat Sanakulov Umid Quvondiqovich, tuman Kengash kotibiyati mudiri N.Karimov, mahalla fuqarolar yig‘inlari raislari hamda kommunal xizmat ko‘rsatish tashkilotlari vakillari ishtirok etishdi. 

Deputat U.Sanakulov o‘z axborotida aholi bilan o‘tkazilgan uchrashuvlar, fuqarolar qabullari, deputatlik nazorati hamda qonunchilikdagi o‘zgarish, yangiliklar haqida axborot berib o‘tdi. 

Xususan, 2026-yilning birinchi choragida fuqarolarning murojaatlari asosida kiritilgan so‘rovlar va ularning amaliy yechimlari hamda ijtimoiy-iqtisodiy dasturlar ijrosi haqida ham to‘xtalib o‘tdi.  

Shuningdek, u Xalq deputatlari Toshkent shahar Kengashining sessiyalarida hamda tegishli doimiy komissiyalar yig‘ilishlarida faol ishtirok etib, hududlarni rivojlantirish, mahallalar infratuzilmasini yaxshilash bo‘yicha 33-Beltepa saylov okrugidagi 5 ta mahalla fuqarolar yig‘inlarida zamonaviy bolalar maydonchalarini barpo etish yuzasidan takliflar kiritganini qayd etdi.

Uchrashuv davomida fuqarolar tomonidan bildirilgan takliflar ko‘rib chiqildi va ayrim muammolar joyida hal etildi. Muammolarning ayrimlari shahar va tuman mutasaddi tashkilotlari bilan bartaraf etilishi belgilandi.

Bundan tashqari, deputatlik faoliyatining asosiy 24 ta yo‘nilishi yuzasidan mahalla fuqarolar yig‘inlari mas’ullarning faoliyati ham muhokama qilindi.

Yig‘ilish yakunida fuqarolar tomonidan bildirilgan barcha murojaatlar yuzasidan tegishli tartibda ishlar tashkil etilishi, ularning ijrosi ustidan deputatlik nazorati o‘rnatilishi alohida ta’kidlandi.Xalq deputatlari Toshkent shahar Kengashi deputati Sanakulov Umid Quvondiqovich 2026-yilning birinchi choragi bo‘yicha axborot berdi.