Халқ депутатлари Янгиқўрғон тумани Кенгаши депутати Сидиқов Дилшод Хасанбой ўғли томонидан Ўзбекистон Республикасининг 937-сонли Қонуни ижроси юзасидан амалий ўрганиш ишлари олиб борилмоқда.

Режа-график асосида туман кадастр муҳандислари иштирокида маҳаллаларда хонадонма-хонадон хатлов ишлари ташкил этилди. Хатлов жараёнида фуқароларнинг уй-жой ҳужжатлари, кадастр расмийлаштируви билан боғлиқ муаммолари ўрганилди.

Ўрганишлар давомида айрим фуқаролар бир неча йиллар давомида хонадонларини кадастрдан ўтказишда турли қийинчиликларга дуч келаётгани маълум бўлди. Мазкур Қонун асосида кадастр муҳандислари томонидан хонадонларда жойига чиққан ҳолда ўлчов ишлари амалга оширилаётгани аҳоли учун қулайлик яратмоқда.

Депутат томонидан фуқароларга қонун талаблари, кадастр ҳужжатларини расмийлаштириш тартиби ҳамда мавжуд имкониятлар юзасидан тушунтиришлар берилди.

✅ Бундай ўрганишлар аҳоли муаммоларини жойида ҳал этиш, мулк ҳуқуқини расмийлаштиришда фуқароларга амалий ёрдам кўрсатиш ва қонун ижросини таъминлашга хизмат қилади.

Slide 1 of 1