Xalq deputatlari Jalaquduq tuman Kengashi deputati tomonidan aholi murojaatlari asosida yana bir muhim masala ko‘tarildi. Jalaquduq tumani Sharixonchek MFY “Yangi obod” ko‘chasi 1-tor ko‘chasida jami 49 ta xonadonda aholi istiqomat qiladi. Ushbu ichki ko‘chaning taxminan 500 metr qismida hozirgi kunda yo‘l holati talab darajasida emas. Ayniqsa, yomg‘irli ob-havo sharoitida yo‘lning loyqalanishi natijasida piyodalar va transport harakati qiyinlashmoqda. Bu esa aholining kundalik turmushiga, bolalarning maktabga qatnashiga hamda tez tibbiy yordam va boshqa xizmatlar yetib kelishiga salbiy ta’sir ko‘rsatmoqda. Shu munosabat bilan tuman Obodonlashtirish boshqarmasiga mazkur ko‘chaning 500 metr qismini o‘rganish va amaliy choralar ko‘rish yuzasidan deputat so‘rovi yuborildi.  

Aholi muammolarini hal etish — ustuvor vazifamiz!