“Deputatlik so‘rovi” o‘z natijasini bermoqda

“Obod MFY hududida joylashgan 3-umumta’lim maktabiga eltuvchi yo‘l asosiy bo‘lganligi bois ushbu yo‘l serqatnovligi va buning oqibatida yo‘l harakati qoidalarining buzilishlariga olib kelayotganligi yuzasidan” saylovchilarning murojaatlariga asosan Xalq deputatlari Farg‘ona tuman Kengashi deputati N.Isaqov tomonidan 2022-yilning 17-noyabr sanasi tuman IIB boshlig‘i nomiga chiqargan “Deputatlik so‘rovi”ga hamda tuman Kengashining joriy yildagi 67-sessiyasida tuman hokimi X. Inomovga “fuqarolar xavfsizligini ta’minlash maqsadida Obod MFY hududidagi 3- sonli umumta’lim maktabiga olib boruvchi asosiy yo‘lga svetafor o‘rnatilishida amaliy yordam berilishi to‘g‘risida”gi so‘rovlari javoban svetofor chiroqlari o‘rnatildi.

Bolajonlarimizni xavfsizligini ta’minlash maqsadida tumanning Qo‘rg‘ontepa MFY hududida joylashgan 53-54-58-sonli umumta’lim maktablariga eltuvchi asosiy yo‘lgan ham tuman Kengashi deputati I.Abduraxmonov tashabbusi hamda xomiylik yordamlari orqali svetofor o‘rnatildi.

Bu esa xalqimizning Yurtboshimiz tomonidan olib borayotgan siyosatdan rozi bo‘lishiga olib keladi. Zero, asosiy maqsadimiz xalqimizga xizmat qilishdir.

“Deputatlik so‘rov”lari va tashabbuslari bilan tumanimizda istiqomat qiluvchi jonajon xalqimizni xavfsizligini ta’minlashda hamda ularni roziligini olayotgan tuman Kengashi deputatlariga jamoatchilik asosida olib borayotgan deputatlik faoliyatlari uchun minnatdorchilik bildiramiz.

Xalq deputatlari Farg‘ona tuman Kengashi deputatlari O.Dadajonova, F.Mirzayev