Tadbir davomida Deputatlar tomonidan navbatdagi manzil hududdagi Yangihayot oilaviy shifokorlik punkti (OSHP) faoliyati bilan ham tanishildi.

Unda aholiga yaratilgan sharoitlar, tibbiy xizmat ko‘rsatish sifati hamda mavjud infratuzilma o‘rganildi.

Xususan:

Fuqarolarni qabul qilish xonalari va tibbiy jihozlarning holati

Tibbiyot xodimlarining faoliyati va aholi murojaatlari bilan ishlash tizimi

Profilaktik ko‘riklar va sog‘lom turmush tarzini targ‘ib qilish ishlari

Aholiga ajratiladigan bepul dori vositalarining mavjudligi va taqsimlanish holati

O‘rganish jarayonida aholiga birlamchi tibbiy xizmat ko‘rsatish uchun zarur sharoitlar yaratilgani qayd etildi. Shuningdek, bepul dori vositalarining mavjudligi, ularning ehtiyojmand fuqarolarga o‘z vaqtida yetkazib berilishi masalasi ham atroflicha ko‘rib chiqildi.

Aniqlangan ayrim kamchiliklar yuzasidan mas’ullarga tegishli tavsiyalar berilib, tibbiy xizmat sifatini yanada oshirish hamda aholi murojaatlari bilan ishlash samaradorligini kuchaytirish bo‘yicha vazifalar belgilandi.