Xalq deputatlari Zarbdor tuman Kengashi deputati, O‘zbekiston Mahallalar uyushmasi tuman bo‘limi rahbari To‘lqin Qodirov tomonidan Shodlik va Yangiobod mahallalarida ishchi tashrif amalga oshirildi. Tashrif davomida mahalla yettiligi tomonidan olib borilayotgan kundalik faoliyat, xususan hududni obodonlashtirish, aholining ijtimoiy muammolarini aniqlash va ularni bartaraf etish, ehtiyojmand oilalarni qo‘llab-quvvatlash, yoshlar bandligini ta’minlash hamda huquqbuzarliklarning oldini olish yo‘nalishidagi ishlar ko‘zdan kechirildi.

Shu bilan birga, mahalla faollari va mas’ul xodimlar bilan muloqot o‘tkazilib, mavjud ishlarni yanada samarali tashkil etish, aholi bilan ishlash mexanizmlarini takomillashtirish va mahallada barqaror ijtimoiy muhitni mustahkamlash bo‘yicha tegishli tavsiyalar berildi.

Mazkur ishchi tashrif mahalla yettiligi faoliyatini tizimli ravishda rivojlantirish, fuqarolar murojaatlariga o‘z vaqtida yechim topish hamda mahallalarda ijtimoiy barqarorlikni ta’minlashga xizmat qiladi.