Prezidentimiz Murojaatnomasi mazmun-mohiyatiga bag’ishlangan yig’ilish bo’lib o‘tdi. Barchamizga ma’lumki, 2025-yil 26-dekabr kuni O‘zbekiston Respublikasi Prezidenti Oliy Majlis va O‘zbekiston xalqiga navbatdagi Murojaatnomasini yo’lladi.Ushbu Murojaatnomada mamlakatimiz hayotining barcha sohalarini izchil rivojlantirish, ijtimoiy-iqtisodiy barqarorlikni ta’minlash, sanoat va ishlab chiqarish salohiyatini oshirishga qaratilgan qator muhim tashabbuslar ilgari surildi hamda kelgusi yillar uchun ustuvor vazifa va maqsadlar belgilab berildi. Shu munosabat bilan Xalq deputatlari Parkent tuman Kengashiga 13-Istiqbol saylov okrugidan saylangan deputat Mahmudova Baxtinisa Zuxriddinovna “Istiqbol” MFY xududidagi 40-umumiy o‘rta ta`lim maktabida va Xalq deputatlari Parkent tuman Kengashiga 9-Qo‘rg`on saylov okrugidan saylangan deputat To‘ychiyev Naimjon Yusupovich tomonidan “Qo‘rg`on” MFY xududidagi 15-umumiy o‘rta ta`lim maktabida mahalla yettiligi va maktab ma`muriyati hamkorligida Prezidentimiz Murojaatnomasi mazmun-mohiyatiga bag’ishlangan yig’ilish bo’lib o‘tdi. Yig‘ilish davomida Prezidentimiz Murojaatnomasini atroflicha o‘rganishga alohida e’tibor qaratildi. Xususan deputatlar tomonidan Prezident Murojaatnomasida ilgari surilgan tashabbuslar har bir tashkilot va mehnat jamoasi oldiga aniq vazifalar qo‘yayotganini, ularni izchil va mas’uliyat bilan amalga oshirish muhim ahamiyat kasb etishi ta’kidlandi. Tadbirda ta’lim sifatini oshirish, o‘quvchilarning bilim va tarbiyasini mustahkamlash, shuningdek, pedagog xodimlarning kasbiy salohiyatini rivojlantirish masalalari muhokama qilindi. Shu asosda maktabda amalga oshirilishi lozim bo‘lgan chora-tadbirlar va amaliy yo‘nalishlar ko‘rib chiqildi. Yig‘ilish yakunida Murojaatnomada belgilangan vazifalar ijrosini ta’minlash yuzasidan tegishli taklif va vazifalar belgilab olindi hamda ushbu yo‘nalishda tizimli ishlarni
olib borish zarurligi qayd etildi.