Xalq deputatlari Farg‘ona tuman
Kengashiga “6-Yoshlarobod” saylov okrugidan saylangan deputat Bumayram Sobirova
saylovchilar bilan uchrashdi. 

Uchrashuv rejasiga muvofiq deputat
Bumayram Sobirova hududdagi Beruniy va Tinchlik
mahalla fuqarolari yig‘ini faollari bilan hamkorlikda aholi muammolarini
o‘rgandi. 

Saylovchilar tomonidan bildirilgan
murojaatlarda quyidagi masalalar ko‘tarildi: 

— Ibrat ko‘chasining 100 metr qismi
haligacha asfaltlanmaganligi; 

— Har ikki mahalla hududida aholi
xonadonlaridan chiqarilgan chiqindilar haftalab yig‘ilib, o‘z vaqtida olib
chiqilmayotgani. 

Aholi tomonidan bildirilgan ushbu
masalalar deputat tomonidan joyida o‘rganilib, aniqlangan kamchiliklarni
bartaraf etish bo‘yicha tegishli tashkilotlar bilan hamkorlikda chora ko‘rish
muhokama etildi. 

Muammolarni tizimli hal etish
maqsadida tuman hokimining qurilish, kommunikatsiyalar, kommunal
xo‘jalik, ekologiya va ko‘kalamzorlashtirish masalalari bo‘yicha o‘rinbosari
Murodxon Qodirxonov hamda tuman ekologiya, atrof-muhitni
muhofaza qilish va iqlim o‘zgarishi bo‘limi boshlig‘i Ulug‘bek Toshbekov
nomlariga deputatlik so‘rovi kiritish bo‘yicha kelishuvga
erishildi. 

Deputat Bumayram Sobirova fuqarolar
murojaatlari ijrosini shaxsan nazoratga oldi va muammolarning amaliy yechimini
topish bo‘yicha tegishli idoralar bilan hamkorlikda ish olib borilishini
ta’kidladi.