Doimiy komissiya va tashkilotlar hamkorligi doirasida qonun ijrosi o‘rganildi

Xalq deputatlari Pastdarg‘om tumani Kengashi doimiy komissiyalari hamda tegishli tashkilotlar o‘rtasidagi hamkorlik ishlari izchil davom etmoqda.

Xalq deputatlari Pastdarg‘om tumani Kengashi deputati X. Turdiyev tomonidan O‘zbekiston Respublikasining “Maktabgacha ta’lim va tarbiya to‘g‘risida”gi O‘RQ-595-sonli Qonuni ijrosi yuzasidan o‘rganish ishlari olib borildi.

O‘rganish davomida tuman maktabgacha va maktab ta’limi bo‘limida qonun talablarining amaliyotga tatbiq etilishi, maktabgacha ta’lim tashkilotlari faoliyati, tarbiyalanuvchilar uchun yaratilgan shart-sharoitlar hamda tizimda amalga oshirilayotgan ishlar tahlil qilindi.

Deputat tomonidan aniqlangan masalalar yuzasidan mas’ullarga tegishli tavsiya va takliflar berilib, qonun ijrosini ta’minlash, ta’lim-tarbiya sifatini yanada oshirish bo‘yicha hamkorlik ishlarini davom ettirish belgilandi.