Xalq deputatlari Oqoltin tuman Kengashi raisi Sh.Eshbayev hamda tuman Kengashi deputatlari E.Babayev va N.Turdiyev tomonidan xalq deputatlari tuman Kengashining navbatdagi 36-sessiyasi kun tartibiga kiritilgan masala yuzasidan Oqoltin tuman Iqtisodiyot va moliya bo‘limida o‘rganish ishlari olib borildi.

O‘rganish davomida Oqoltin tumani mahalliy budjetining 2026-yil III choragidagi ijrosi, budjet mablag‘larining sarflanishi, daromadlar tushumining holati hamda belgilangan xarajatlarning amalga oshirilishi bilan bog‘liq masalalarga e’tibor qaratildi.

Shuningdek, mahalliy budjet mablag‘laridan samarali va maqsadli foydalanish, budjet ijrosi bo‘yicha belgilangan vazifalarning bajarilishi hamda moliyaviy intizomga rioya etilishi holatlari o‘rganildi.

Mazkur masala xalq deputatlari Oqoltin tuman Kengashining navbatdagi 36-sessiyasida ko‘rib chiqilishi rejalashtirilgan.