Xalq deputatlari Ishtixon tumani Kengashi deputati F.Abdurazzaqov tomonidan 16-Zarband saylov okrugiga qarashli Zarband mahallasida huquqbuzarliklar profilaktikasi va jinoyatchilikning oldini olish borasida amalga oshirilayotgan ishlar o‘rganildi.

🔎 O‘rganish davomida mahalladagi mavjud vaziyat, fuqarolardan kelib tushayotgan murojaatlar hamda profilaktika inspektori tomonidan amalga oshirilayotgan profilaktik tadbirlar yuzasidan ma’lumotlar tahlil qilindi.

Ma’lumotlarga ko‘ra, joriy yilning 6 oyi davomida Zarband mahallasida 65 ta ariza va shikoyat qayd etilgan bo‘lib, shundan 12 tasi tan jarohati bilan bog‘liq murojaatlarni tashkil etgan. Shuningdek, tumanda og‘ir tan jarohati yetkazish bilan bog‘liq jinoyatlar tahlilida Zarband mahallasida 1 ta holat qayd etilgan.

📌 O‘rganish yakunida mahallada huquqbuzarliklarning barvaqt oldini olish, nizoli vaziyatlarni o‘z vaqtida aniqlash, fuqarolar murojaatlari bilan manzilli ishlash hamda profilaktik tadbirlar samaradorligini oshirish bo‘yicha tegishli taklif va tavsiyalar bildirildi.

🤝 Deputatlik nazorati — hududdagi mavjud muammolarni o‘rganish, ularning sabablarini aniqlash va yechimiga ko‘maklashishning muhim vositasidir.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)