Xalq deputatlari Buxoro viloyati Kengashi deputati L. Ergasheva hamda Jondor tumani Kengashi kotibiyati mudiri I. Xolovlar hamkorligida “Aleli” mahalla fuqarolar yig‘ini aholisi uchun qurilayotgan mahalla guzari hududida bo‘lib, olib borilayotgan qurilish-montaj ishlari bilan tanishdilar.

✅O‘rganish davomida mahalla guzari qurilishining bugungi holati, bajarilgan ishlar sifati hamda obyektni belgilangan muddatlarda foydalanishga topshirish masalalariga e’tibor qaratildi. Qurilish jarayonida belgilangan me’yor va talablarga rioya etish, hududni obodonlashtirish hamda guzarning aholiga qulay va zamonaviy sharoitlar yaratadigan maskanga aylantirilishi muhimligi ta’kidlandi.

✅Mahalla guzari aholining kundalik ehtiyojlarini qondirish, turli tadbirlarni o‘tkazish, fuqarolar uchun qulay muloqot va xizmat ko‘rsatish muhitini yaratishda muhim ahamiyat kasb etadi.

✅Mas’ullarga qurilish-montaj ishlarini sifatli tashkil etish, aniqlangan masalalarni o‘z vaqtida bartaraf etish hamda obyektning foydalanishga topshirilishini ta’minlash yuzasidan tegishli tavsiyalar berildi.