Xalq deputatlari Sirdaryo viloyati Kengashi deputati M.Sulaymonov hamda tuman Kengashi deputati N.Turdiyev tomonidan Bo‘ston mahallasi Mohlaroyim ko‘chasi ko‘cha boshisi B.Pardayev bilan uchrashuv o‘tkazildi.

Uchrashuv davomida mahalla hududidagi mavjud muammolar muhokama qilindi. Xususan, og‘ir yuk ko‘taruvchi texnika va traktorlarning ko‘cha ichida harakatlanishi natijasida asfalt qoplamasiga zarar yetkazilayotgani ta’kidlanib, bunday holatlarning oldini olish maqsadida ko‘chaga tegishli yo‘l belgilarini o‘rnatish masalasida murojaat bildirildi.

Shuningdek, ko‘chada tungi vaqtda xavfsiz harakatlanish hamda aholi uchun qulay sharoit yaratish maqsadida ko‘cha yoritish chiroqlarini o‘rnatish bo‘yicha ham amaliy yordam so‘raldi. Mazkur masalalar deputatlar tomonidan nazoratga olindi.