Xalıq deputatları Bozataw rayonlıq Keńesi 5-sanlı “Qusqanataw” saylaw okruginen saylanǵan deputat Q.Nurmanov, hám Keńes sekretariatınıń bas qánigesi K.Aitmuratovlar tárepinen 2026-jıl 5-fevraldaǵı PQ-49-sanlı qararı hám Joqarǵı Keńesi Prezidiumınıń 2026-jıl 6-marttaǵı 617-sanlı qararına muwapıq, Bozataw rayonı “Qusxanataw” APJ aymaǵındaǵı “Toremurat jap” jabınıń 1,5 km bólegin betonlaw jumısları menen jaqınnan tanıstı.

Házirgi waqıtta qurılıs jumısları “QIRQQIZ MAXSUS QURILISH” JShJnıń tájiriybeli qánigeleri tárepinen belgilengen norma hám talaplarǵa muwapıq alıp barılmaqta.

Bul joybar juwmaqlanǵannan soń, japtıń suw ótkeriw imkaniyatı jaqsılanıp, suw shıǵınları azayadı hám awıl xojalıǵı jerlerin turaqlı suwǵarıw ushın qolaylı sharayat jaratıladı. Bul bolsa aymaq xalqınıń abadanlıǵın arttırıw hám agrar tarawdıń nátiyjeliligin joqarılatıwǵa múnásip úles qosadı.