“Jaslar másláhát toparı” aǵzaları ushın oqıw seminarı bolıp ótti

Xalıq deputatları Shımbay rayonlıq Keńesi janında dúzilgen “Jaslar másláhát toparı” aǵzalarınıń qatnasıwında gezektegi oqıw-seminar shólkemlestirildi. Seminarda jaslar menen islesiw sistemasın bunnan bılay da jetilistiriw, olardıń mashqalaların úyreniw, bántligin támiyinlew, sociallıq belsendiligin arttırıw hám mámleketlik baǵdarlamalardıń orınlanıwın nátiyjeli shólkemlestiriw máseleleri dodalandı.

Ilaj dawamında qánigeler tárepinen ámeldegi nızamshılıqtaǵı jańalıqlar, jaslar siyasatı tarawında alıp barılıp atırǵan reformalar hám ámeliy jumısta ushırasıp atırǵan mashqalalar hám olardıń sheshimleri boyınsha túsinikler berildi. Qatnasıwshılar ózlerin qızıqtırǵan sorawlarǵa qánigelerden tolıq juwap aldı.

Seminar juwmaǵında jaslar menen islesiw nátiyjeliligin bunnan bılay da arttırıw, olardıń baslamaların qollap-quwatlaw hám aymaqlarda ámelge asırılıp atırǵan jumıslardı sistemalı dawam ettiriw boyınsha tiyisli usınıslar berildi.