Deputat “Jipek jolı” máhálle profilaktika inspektorınıń jumısı menen tanıstı

♻️ Xalıq deputatları Shımbay rayonlıq Keńesi 18-sanlı “Qırıq qız” saylaw okrugi “Adolat” social-demokratik partiyası deputatı S.Abdieva óz saylaw okrugindegi máhálle profilaktika inspektorınıń jumısı menen jaqınnan tanıstı.

Úyreniw dawamında aymaqta jámiyetlik tártipti saqlaw, huqıqbuzarlıq hám jınayatshılıqtıń aldın alıw, puqaralardıń múrájatları menen islesiw hám profilaktikalıq ilajlardıń ámelge asırılıw jaǵdayı úyrenildi.

Deputat profilaktika inspektorı tárepinen alıp barılıp atırǵan jumıslar, ásirese, jaslar, hayal-qızlar hám sociallıq qorǵawǵa mútáj shańaraqlar menen islesiw, máhálledegi kriminogen jaǵdaydı turaqlı saqlaw boyınsha ámelge asırılıp atırǵan ilajlar menen tanıstı.

Ushırasıw juwmaǵında xalıqtıń qáwipsizligin támiyinlew, huqıqbuzarlıqlardıń erte aldın alıw hám máhálle puqaralar jıyını menen birge islesiwdi jáne de kúsheytiw boyınsha pikir alısıldı. Deputat bul baǵdardaǵı jumıslardı turaqlı deputatlıq qadaǵalaw astında alıp baratuǵının atap ótti.

Xalıq deputatları Shımbay rayonlıq Keńesi