DEPUTAT SO‘ROVIGA JAVOB

💠 Xalq deputatlari Samarqand viloyati Kengashi deputati Ja’farova Nilufar Jaxongirovna tomonidan yuborilgan 221-ds-383-26-sonli deputatlik so‘rovi yuzasidan Urgut tumani hokimligi tomonidan javob taqdim etildi.

➡️ Mazkur so‘rov Urgut tumani “Mazortepa” mahallasida yashovchi fuqaroning hududda amalga oshirilayotgan ko‘p qavatli uy-joy qurilishi bilan bog‘liq murojaati asosida yuborilgan.

➡️ Murojaat tuman Qurilish va uy-joy kommunal xo‘jaligi bo‘limi tomonidan atroflicha o‘rganilib, qurilish ishlari amaldagi qonunchilik, tasdiqlangan loyiha-smeta hujjatlari hamda vakolatli tashkilotlarning tegishli xulosa va kelishuvlari asosida olib borilayotgani ma’lum qilindi.

⚡️ Shuningdek, o‘rganish natijasida murojaatda ko‘rsatilgan hudud Urgut shahrining bosh rejasi va batafsil rejalashtirish loyihasiga muvofiq ko‘p qavatli turar-joy binolari qurilishi rejalashtirilgan hudud tarkibiga kiritilganligi aniqlangan.

✍️ Murojaat muallifiga qonunchilikda belgilangan tartibda tushuntirish berilgan hamda qabul qilingan qarorlardan norozi bo‘lgan taqdirda yuqori turuvchi tashkilotlarga murojaat qilish huquqiga ega ekanligi bildirilgan.

🏗 Hududlarda qurilish ishlarini qonunchilik talablariga muvofiq tashkil etish hamda fuqarolar murojaatlarini o‘rganish masalasi doimiy e’tiborda.