Deputat so‘rovi natijasida asfalt qoplamasi yotqizish ishlari amalga oshirilmoqda

Xalq deputatlari Olmazor tuman Kengashi deputati Xasanov Abdujalil Abdug‘aparovich tomonidan fuqarolar murojaatlari asosida tegishli tashkilotlarga kiritilgan deputatlik so‘rovi natijasida "Ahil" mahalla fuqarolar yig‘inining Qizg‘aldoq ko‘chasida asfalt qoplamasi yotqizish ishlari boshlandi.

Mazkur ko‘chada yo‘l infratuzilmasini yaxshilash, aholi uchun qulay va xavfsiz harakatlanish sharoitlarini yaratish maqsadida asfalt qoplamasini yotqizish ishlari olib borilmoqda. Amalga oshirilayotgan ishlar deputat tomonidan joyiga chiqib o‘rganilib, qurilish sifati va muddatlariga alohida e’tibor qaratilmoqda.

Fuqarolar tomonidan ko‘tarilgan masalalarning amaliy yechim topayotgani mahallada yashovchi aholining mamnunligiga sabab bo‘lmoqda. Kelgusida ham hudud infratuzilmasini rivojlantirish va aholi murojaatlariga ijobiy yechim topish borasidagi ishlar izchil davom ettiriladi.