Deputatlar tomonidan tuman oqava suv tarmoqlari bo‘limi faoliyati o‘rganildi

Mirzo Ulug‘bek tumanidagi aholi punktlarida kommunal xizmat ko‘rsatish sohasini yaxshilash borasida olib borilayotgan ishlarni o‘rganish maqsadida, Xalq deputatlari Mirzo Ulug‘bek tumani Kengashining Qurilish, kommunal sohalar, agrar, ekologiya, sanoat va transport masalalari bo‘yicha doimiy komissiyasi tomonidan tuman oqava suv tarmoqlari bo‘limiga tashrif uyushtirildi.

Deputatlar o‘rganishlar jarayonida oqava suv tarmoqlarining uzluksiz va sifatli ishlashini ta’minlash bo‘yicha amalga oshirilayotgan ishlar bilan yaqindan tanishdilar.

O‘rganishlar jarayonida mutasaddilar bilan mavjud bo‘lgan moddiy-texnika bazasini modernizatsiya qilish hamda ularning boshqaruvini eng yuqori xalqaro standartlarga muvofiq takomillashtirish yuzasidan suhbat o‘tkazildi. 

Shuningdek, tuman hududidagi sanoat korxonalarida ishlab chiqarish natijasida hosil bo‘ladigan oqava suvlar tarkibidagi ifloslantiruvchi moddalar tozalash inshootlarining texnologik reglamenti buzilgan taqdirda, korxonalarning faoliyatini belgilangan qonun doirasida to‘xtatish tartibi bo‘yicha huquqiy-me’yoriy choralar ko‘rilishi lozimligi ta’kidlandi.

Oqava suv tarmoqlarining uzluksiz va sifatli ishlashi atrof-muhitni muhofaza qilish hamda ekologik xavfsizlikni ta’minlashda muhim o‘rin tutadi.