Búgin "Taxtakópir" posyolkalıq puqaralar jıyını aymaǵında "Jasıl mákan" ulıwma xalıqlıq joybarı sheńberinde qorshaǵan ortalıqtı jáne de kórkem hám taza etiw maqsetinde keń kólemli abadanlastırıw hám máhalle baǵın shólkemlestiriw ilajları alıp barılmaqta.

«Taxtakópir» PPJ aymaǵında ótkerilgen ilajda, usı aymaqtan Xalıq deputatları rayonlıq Keńeske saylanǵan deputat, Keńes baslıǵı A.Reyov da belsene qatnastı.

Ilaj dawamında qatnasıwshılar bir jaǵadan bas shıǵarıp, ajıratılǵan aymaqta sayamanlı hám tut terek nállerin jerge otırǵızıp, jasıl baǵ jaratıw jumıslarına óz úleslerin qostı.

«Jasıl mákan» joybarı tek ǵana qorshaǵan ortalıqtı jáne de abadanlastırıw emes, al tábiyatqa mehir, miynet súygishlik hám juwapkershilik sezimlerin qáliplestiriwge de xızmet etpekte.