Xalq deputatlari Chilonzor tumani Kengashi deputati Fayzullayeva Malika Yarkunovna tashabbusi bilan Beshyog‘och mahallasi hududida navbatdagi amaliy o‘rganish ishlari olib borildi.

Unda mahalla raisi Qambarov hamda ichki ishlar organlaridan biriktirilgan mas’ullar ishtirok etdi.

 O‘rganish jarayonida Furqat ko‘chasida amalga oshirilayotgan ta’mirlash ishlarining sifati, muddatlari va aholi uchun yaratilayotgan sharoitlar atroflicha ko‘zdan kechirildi.

Joyida:

— ishlar sifatini ta’minlash

— belgilangan muddatlarga rioya etish

— qurilish va ta’mirlash jarayonlarini samarali tashkil etish

yuzasidan mas’ullarga aniq topshiriqlar berildi.

 Deputat tomonidan mazkur hududda olib borilayotgan ishlar doimiy nazoratda ekani ta’kidlanib, ta’mirlash ishlarini o‘z vaqtida va sifatli yakunlash ustuvor vazifa sifatida belgilandi.

Bunday amaliy nazorat va yondashuvlar mahalla infratuzilmasini yaxshilash, aholiga qulay shart-sharoitlar yaratishga xizmat qiladi.