Tuman Kengashi deputati H.Abdimo'minov tomonidan Davlat xizmatlari va FHDYO organlarida fuqarolarga xizmat ko‘rsatish holati o‘rganildi.

📱Xalq deputatlari tuman Kengashi deputat H.Abdimo'minov tomonidan tumandagi Davlat xizmatlari markazi hamda FHDYO organlarida fuqarolarga ko‘rsatilayotgan xizmatlar sifati va samaradorligi joyiga chiqib o‘rganildi.

📱O‘rganish jarayonida aholi uchun yaratilgan shart-sharoitlar, navbat kutish tizimi, xizmatlar ko‘rsatish tezligi, shuningdek, xodimlarning fuqarolar bilan muomala madaniyati alohida ko‘zdan kechirildi. Fuqarolar bilan suhbat o‘tkazilib, ularning fikr-mulohazalari va takliflari tinglandi.

📱Deputat tomonidan aniqlangan kamchiliklarni bartaraf etish, xizmatlar sifatini yanada oshirish hamda aholiga qulaylik yaratish yuzasidan mas’ul rahbarlarga tegishli tavsiyalar va topshiriqlar berildi. Shuningdek, xizmat ko‘rsatishda ochiqlik va shaffoflikni ta’minlash, byurokratik to‘siqlarning oldini olish zarurligi ta’kidlandi.

📱Fuqarolarga davlat xizmatlarini tezkor, sifatli va qulay tarzda yetkazib berish ustuvor vazifa ekani qayd etilib, mazkur yo‘nalishdagi ishlar doimiy nazoratga olinishi bildirildi.