Халық депутатлары Шоманай районлық Кеңесине 2-Ақ терек сайлаў округинен депутат А.Юсуповтың сайлаўшылары менен ушырасыўы болып өтти.

Ушырасыўда депутат тәрепинен Қарабайлы мәкан пуқаралар жыйыны усы жылы “Жаңа Өзбекстан көринисиндеги мәҳәллелер”диң дизимине киритилип, дәсүрлер исленип мәҳаллеге 5 миллиард сум қаржы ажыратылып, бул өз гезегинде мәҳаллениң гүллениўине халықтың абат ҳәм пәраўан жасаўына өз үлесин қосатуғынлығын билдирди.

Депутат А.Юсупов 2025-жылда әмелге асырылған жумыслар ҳәм аймақты социал-экономикалық раўажландырыў бағдарында жаңадан қабыл етилген Нызам ҳәм қарарлардың әҳмийети ҳәм мазмуны ҳаққында айтып, 2025-жыл даўамында депутатлық искерлиги шеңберинде әмелге асырған жумыслары ҳаққында сайлаўшыларға есабат берди.

Ушырасыў даўамында пуқаралар тәрепинен аймақтағы машқалалы мәселелер бойынша мүрәжатлар билдирилди ҳәм бул мәселелер бойынша үйренилип шығып, тийисли шешимлер қабыл етилиўи белгилеп алынды.