Bugungi kunda deputatlarning mahalla yettiligi bilan olib borayotgan hamkorlikdagi faoliyati joylardagi muammolarni aniqlash va ularni samarali hal etishda muhim ahamiyat kasb etmoqda. Ana shunday hamkorlik
doirasida Xalq deputatlari Parkent tuman Kengashiga 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna “Oybek” mahalla fuqarolar yig‘inida bo‘ldi. Tashrif davomida deputat mahalla yettiligi faoliyati, aholi bilan ishlash tizimi hamda hududda mavjud muammolarni joyida o‘rgandi. Uchrashuvda mahalla faollari bilan fikr almashilib, ijtimoiy masalalarni hal
etishda o‘zaro hamkorlikni yanada kuchaytirish zarurligi ta’kidlandi. Shuningdek, fuqarolar tomonidan bildirilgan murojaatlar tinglanib, ularni ijobiy hal etish yuzasidan tegishli chora-tadbirlar belgilandi. Mazkur tashrif deputatlik nazoratini kuchaytirish va aholi bilan bevosita muloqotni yanada mustahkamlashga xizmat qildi.