Prezident Shavkat Mirziyoyev O‘qituvchi va murabbiylar kuni arafasida soha xodimlari bilan muloqot o‘tkazdi. Tadbirga boshqa hududlardan 40 mingdan ziyod pedagoglar qatnashdi. So‘nggi sakkiz yilda ta’lim va tarbiya sohasida tizimli ishlar amalga oshirilib, ulkan natija va yutuqlarga erishilgani ta’kidlandi.

         Davlatimiz rahbari o‘z hayotini yosh avlodga ta’lim va tarbiya berishdek dunyodagi eng ulug‘ ishga bag‘ishlab kelayotgan barcha muallim, professor va o‘qituvchilarni – bir millionlik pedagoglar jamoasini ana shu qutlug‘ bayram bilan samimiy muborakbod etdi.

“Men bu iqtisodiy ko‘rsatkichlarga nima uchun ko‘p to‘xtalyapman? Chunki iqtisodiyot qanchalik mustahkam bo‘lsa, ta’lim rivojlanadi. Ta’lim sifati yuqori bo‘lgan mamlakatda esa iqtisodiyot barqaror o‘sadi. Bu-hayot qonuni!”,– dedi davlatimiz rahbari. Xulosa qilib aytganda, taʼlim har qachongidan rivoj topib borayotgani quvonarli holat.