#24_másele
#13_sanlı_M_Shapiev_saylaw_okrugi
#Ózbekstan_Ekologiyalıq_partiyası

✅ Deputat kóp qabatlı turaq jaylarda shıǵındılardı alıp shıǵıw jaǵdayı menen tanıstı

⚡️ Deputat Sh.Berdimuratov hám Ózbekstan “Ekologiyalıq” partiyası wákili K.Sarıbaev “Jipek jol” MPJ aymaǵındaǵı kóp qabatlı turaq jaylar aymaǵında bolıp, turmıslıq shıǵındılardı jıynaw hám alıp shıǵıp ketiw jaǵdayın úyrendi.

Úyreniw dawamında shıǵındı jıynaw maydanlarınıń sanitariyalıq jaǵdayı, turmıslıq shıǵındılardı belgilengen múddetlerde alıp shıǵıp ketiw procesi, shıǵındı tasıwshı arnawlı texnikalardıń jumısı hám aymaqta tazalıqtı saqlaw boyınsha ámelge asırılıp atırǵan jumıslar kózden ótkerildi.

Sonday-aq, kóp qabatlı turaq jaylarda jasaytuǵın xalıq ushın qolaylı hám sanitariyalıq talaplarǵa sáykes sharayatlar jaratıw, shıǵındılardıń óz waqtında alıp shıǵılıwın támiyinlew, shıǵındı maydanların tártipke keltiriw hám qorshaǵan ortalıqtı qorǵawǵa itibardı kúsheytiw máseleleri dodalandı.

Deputat tárepinen juwapker shólkemlerdiń wákillerine shıǵındılardı óz waqtında alıp shıǵıp ketiw, aymaqlarda tazalıq hám abadanlıqtı támiyinlew, sonday-aq, xalıq arasında ekologiyalıq mádeniyattı arttırıw boyınsha tiyisli usınıslar berildi.
Úyreniwden gózlengen tiykarǵı maqset — kóp qabatlı turaq jaylar aymaǵında sanitariyalıq jaǵdaydı jaqsılaw, xalıq ushın salamat hám qolaylı jasaw ortalıǵın jaratıw jáne bul baǵdardaǵı jumıslardı deputatlıq qadaǵalaw tiykarında baqlap barıwdan ibarat.