#doimiy_komissiya_faoliyati

❗️SESSIYA OLDI O‘RGANISH: DEPUTAT NAZORATI

Xalq deputatlari Paxtakor tumani Kengashi kotibiyati mudiri K.Mamanova hamda deputati S.Ulug‘murodov tomonidan Do‘stlik mahallasi hududidagi Mustaqillik va Y.Rajabiy ko‘chalarini ixtisoslashtirish masalasi yuzasidan sessiya oldi o‘rganish ishlari olib borildi.

Mazkur rejaga muvofiq, uzunligi 0,5 kilometr bo‘lgan Mustaqillik ko‘chasi hamda 1 kilometrni tashkil etuvchi Y.Rajabiy ko‘chasini gastronomiya va turizm, yoshlar sayilgohi hamda savdo-servis xizmatlariga ixtisoslashgan maxsus xizmat ko‘rsatish ko‘chalariga aylantirish ko‘zda tutilgan.

O‘rganish davomida ko‘chalarning mavjud holati, hududning infratuzilmasi, obodonlashtirish ishlari hamda tadbirkorlik va xizmat ko‘rsatish faoliyatini rivojlantirish imkoniyatlariga e’tibor qaratildi.

Deputatlik nazorati — hududlar rivoji va aholi uchun qulay sharoitlar yaratish yo‘lida muhim qadam.